قــصـــص ورويـــات

بسم الله الرحمن الرحيم ...

أقدم لكم رواية رائعة من تأليفي _( حياتي رواية )_

نوع الرواية : حب - رومنسية - اكشن - خيانة - صداقة - وفاء

الكاتبة : - حياتي رواية -

ملاحظة : (( الحقوق محفوظة )) الرجاء عند نقل الرواية ذكر اسمي حتى لايضيع

عملي أو ينتسب ل أسماء أخرى ...

من أجمل ما كتبت أتمنى أن تنال على إعجابكم ..

ولاتحرموني من أرائكم وردودكم ..

[ البارت الأول ]

في الصباح ...

في بيت أبو ميار المرحوم ...

دفعت الباب بكل قواها ..!!
خرجت مسرعة لحديقة المنزل,,
حيث جلست فوق كرسي امام حوض السباحة ,
ودموعها ملات يدها التي وضعتها على عينيها ,.
لتغطي ملامح حزنها وصديقتها تلحق بها ,,
وهي تمسح بدموعها ,
لمى : ميار , ميار لاتوجعي قلبي قولي انا لله وانا اليه راجعون
هذا قضاء الله وقدرة والله يرحمه .
ميار حاولت تمسك نفسها : مااصدق يا لمى بابا مات وتركنا بابا مات ,ّ!!!
لمى : حبيبتي , انتي تعرفي انه كان مريض فترة طويلة
ادعيله بالجنة امكن هذا خير له من مرضة .,,
ميار وهيا تبكي بصوت منقطع : بس هوا يعرف قد ايش نحنا نحبة .؟.ّ!
ضمتها لمى بصدرها : الله يرحمه الله يرحمه .,,

في مجلس الحريم :.
أم ميار ودموعها تتساقط : الله يرحمك ياأبو شادي انا لله وانا اليه راجعون.ّ!
أم سعد : الله يرحمك يا أخوي .
أم ميار : أمس كان طيب لما رحت كان معاه ابو اياد صاحبة ومافيه شيء سبحان الله .؟.
أم سعد : انا لله وانا اليه راجعون !!.
في هذا الوقت دخلت لمى وميار على المجلس ميار راحت وباست راس امها وجلست .
أم سعد تنادي ميار : تعالي يابنتي جنبي ؟
قامت ميار وجلست بجانب عمتها وماقدرت تمسك دموعها ,
ورمت بجسمها على حظن عمتها واحتضنتها وصار الكل يبكي ..
.................................
اليوم الاول للعزا :
في قصر ابو اياد - عبد الكريم - يجلس ابو اياد في الصالة لوحده ,
والحزن والالم قطعوا قلبه على اعز صديق له ,
جلس ينتظر السواق يصحى عشان يودية يصلي عالجنازة .
وشايل هم من الوعد اللي وعد بة المرحوم ابو ميار !!!!!

في وقت سابق في المستشفى :
قبل موت ابو ميار جلس مع صديقة ابو اياد يتكلموا :
ابو ميار بصوت منخفض : ليش تجي كل يوم وتتعب نفسك الله يهداك ؟؟.
ابو اياد بيرفع من معنوياته : انت عزيز وغالي ومافيها تعب ولا شيء وماشاء الله باين اليوم صحتك احسن !,.
ابو ميار : خلاص ياابو اياد احس انه صحتي هلكت واسال الله حسن الخاتمة ,
ابو اياد : الله يهديك يا ابو ميار و يخليك لاهلك .,
ابو ميار فجاه بدات دموعه تذرف : انا ماني خايف من الموت انا خايف على قلبي اللي حتركه في الدنيا خايف على ميار...
ابو اياد : لاتقول كذا الموت بعيد عنك الله يهديك ..
ابو ميار : الموت بيد الله ومو بعيد على كل انسان وكل اللي اخافه بنتي كيف راح اتركها
في دنيا ماترحم ؟؟!
ابو اياد بصوت حزين : لاتقول كذا احنا موجودين بنتك بنتي ؟..
ابو ميار : اعرف انوا امها لامت حتسافر لاهلها بس خايف ايش بيصير لبنتي
ليتني زوجتها واطمنت عليها ليت يطول بي العمر لين اشوفها عروسة ..ّّ!!
ابو اياد حزن على حاله وبدون تفكير : انا دايما اقلك ان ميار لولدي اياد وانشاء الله
فترة بسيطة وتحظر فرحها ..!!
ابو ميار : احس اني ماراح احظر فرحها بس انتا الوحيد اللي اثق فيك واياد والنعم فيه ماالاقي مثله شاب طيب ومحترم , اوعدني انك تكون قد كلامك وما تخلي ميار تروح لاهل امها انا مااثق فيهم ابد تعرف اننا سافرنا بسببهم وبسبب مشاكلهم , ماابغاها ترجع هناك واولاد خيلانها حاطين عينهم عليها .!!
ابو اياد : لايكون في خاطرك الا طيب وين الاقي مثل بنتك مربية واكيد مثل ابوها ..

نعود للوضع الحالي ..
ابو اياد يأنبه ضميرة كيف يصير هذا الزواج مافكر ابدا انه ابو ميار حيموت , وهوا في وضعه بعد دقائق تنزل ربى وتبوس راسة .
ربى : صباح الخير لاحلى اب في الدنياا ؟؟..
( تتفاجا بدموعه وتوقف تطالع )!!.
ربى : بابا ايش صايرلك عسى خير ؟؟
ابو اياد : اجلسي الله يهديكي يابنتي غالي اتوفى اليوم الله يرحمه ..
ربى : ابو ميار ؟.
ابو اياد : ايه الله يرحمه ..
ربى : واا الله يرحمه والله زعلت رغم اني مااعرفهم كثير ., قبل يومين اتعرفت على اهله ..
ابو اياد : روحي صحي اياد خليه يقوم معي ؟؟.
ربى : ابشر بابا ,, ماما ماصحيت ؟؟
ابو اياد : لا خليها نايمة ترتاح ..
قامت ربى متوجهه لغرفة اياد ..
غرفة اياد احلى غرفة في القصر , قاسم الغرفة نصين متساويتين نص مرتفع للسرير وحده والنص الثاني لباقي الغرفة , اياد نومه خفيف ومايحب ابدا احد يصحيه ,ودايما يقول ل لمى لو تصير مصيبه لاتصحيني مصيري لما اقوم اعرف, الا في حاله اذا ابوة يبغاه لانه مررة يحترم ابوة ويسمع لكلامة في الغرفة كان اياد يكلم حبيبته شذى :
اياد : صباح الخير؟.
شذى : صباح الخير حياتي ..
شذى : ايش رايك نفطر سوى اليوم ؟؟.
اياد : اوك ثواني اكون جاهز .,
شذى : اشتقتلك صار لنا اسبوع مانشوف بعض بسبب دوامك .,,
اياد يدق جوالة : شذى فادي يدق انا ثواني واجي اخذك اشوفك باي .
شذى : اوكي باي .
اياد : اهلين فادي .؟
فادي : صباح الخير خرجت ؟؟
اياد : دوبي فتحت عيني .
فادي : طيب انا حمر عليك ونروح سوى .
اياد : لا حروح افطر مع شذى .,
فادي : مانهيت علاقتكم لسه ؟؟ شكلك حبيتها جد .
اياد : كنت مشغول هذا الاسبوع اليوم راح انهيها تفكرني سامحتها على علاقتها مع ولد عمها بهذه السهولة .,
فادي : اوكي يصير اشوفك بعدين .
اياد : باي .
تطلع ربى وتدق الباب وتدخل :.
ربى : ايادوو , صباح الخير , ؟؟..
اياد : صباح النور .ّ!
ربى : راح عليك الفلم الرومنسي حق أمس .؟
اياد : وأنا فاضي أسهر عشان فلم رومنسي .!!
ربى بابتسامة استهزاء : اووف اقول للخدامه تجهزلك الفطور ولا بتفطر مع شدون .؟؟
اياد : باخذ شاور وجهز نفسي ونازل , لا اذا بفطر هنا اقلها وياليت تمسكي لسانك ..!
ربى : طيب بابا تحت يستناك .
اياد يأشر بيده على الباب : اوكي اتفضلي .. .
ربى : شكرا لازم اسلوب زفت منك ولا مااعرفك مضبوط
اياد وهوا رايح للحمام : اشوفك تحت .
.............................

في بيت أبو سعد جلس أبو سعد مع سعد في الصالة :
أبو سعد : انا لله وانا الية راجعون .
سعد : الله يرحمه ؟!
أبو سعد : انتا مانتا رايح العمل ؟؟
سعد : الا بقوم دحين وراجع بدري انشاء الله .
أبو سعد : ايه لازم نوقف مع امك ونقوم في العزا لاهلها ..
سعد : الله يعين يالله اجل انا استاذن ؟.
وقام باس راس ابوه وفتح باب غرفتة وينادي الخدامه خدامتهم سورياتي صعب عليه , فيقلها سيسي :
سعد : سيسي قولي للسواق يجهز السيارة انا بجهز دحين نازل ..
سورياتي : تيب تيب .
نزلت سورياتي وقابلتها لولو في الدرج .
لولو : سورياتي ماما فينها ؟؟ ماهي بغرفتها ؟؟
سورياتي : ماما راح بيت ميار هذا بابا ميار مووت ..
لولو انفجعت : ايش يااارب الله يستر !!!
وتجري على غرفة اختها تالا تفتح الباب وتدخل ..
لولو تجر اللحاف : تالا تالا قومي صارت مصايب وانتي لسه نايمة .,
تالا وهيا تسحب اللحاف : يصير الا يصير ياليت تسيبيني حالي .
لولو : ابو ميار مات .!!
تالا نقزت من السرير بفجعه : هاااااااا !!
لولو بقهر : لالا ارجعي نامي ويصير اللي يصير..؟؟
تالا : من جدك واااااااو اساسا الاسبوع ذا كان مررة مريض الله يرحمك ياعمي , مسكينة ميار ؟ .
لولو : الله يعينها , يالله اتحركي خلينا نتصل بامي هيا هناك ؟؟
...................................
في منزل ابو خالد في غرفة النوم يجهز ابو خالد نفسة استعداد للجنازة ..
ام خالد : الله يحسن عزاكم ..
ابو خالد : الله يجزاك خير ..
ابو خالد : كلمتي تهاني خليها تجي وتكلم مازن على الجنازة ؟؟ .
ام خالد : كلمتها وقالت تجهز وتجي ؟.
ابو خالد : صحيوا نادية و سالي ؟؟
ام خالد : كلهم صحيوا وجالسين تحت .
ابوخالد : طيب يالله انا نازل افطر وخارج .,
...........................

في غرفة النوم, في منزل مازن صار لتهاني ساعه وربع وهيا تبكي على صدر زوجها
تهاني : ياربي يامزوون لو تدري قد ايش عمي ذا طيب الله يرحمه بس ..,.
مازن : الله يرحمه حبيبتي بس عندي سؤال ؟؟ لو انا مت تبكي علي كذا ؟؟؟.
تهاني ودموعها على خدها : فال الله ولا فالك انشاء الله ماتموت !!.
مازن بمزح يحاول يهدئها : ويش قصدك ؟؟ اوصل ال 100 وانا حي حرام عليكي حبيبتي ..ّ!
تهاني : انشاء الله اموت قبلك ..,
مازن : وبعدين مين ابكي على صدرها ..!!
تهاني : مززون لاتقهرني بدل ماتواسيني تسوي كذا ؟؟.
مازن : انا قاعد اواسيكي .
تهاني بدلع : لاتواسيني خلاص !ّ.
وراحت على الحمام وسكت الباب
...........................
في بيت ابو بشار جالس هوا وولده بشار في السيارة متجهين للعزا ,
بشار يرن جوالة ويرفع : الوو ؟؟
هيا : بشار مااخذتوني معاكم ؟.
بشار : ساعتين تتصلحي رايحة عزا ولا زواج ..,
هيا : وين بابا ؟؟ .
بشار : معايا .
هيا : طيب ارسلولي السواق وانتا اساسا ليش مارحت بسيارتك عندك مشكلة في السواقه .؟
بشار : مالي خلق اسووق ..
هيا باستهزاء : والله ياقلبي , الخلق ماله لك مو انتا مالك له ؟,
بشار : هيا باي .
وقفل على وجهها ..,
هيا : ووووجع انشاء الله يتكسر جوالك الا كل شوي مقفله بوجهي .
يدق جوالها وترد : .
هيا : اهلين لولو .
لولو : دريتي اتوفى خالي غالي .
هيا : ايوة بابا وبشار راحوا.الله يرحمه ..
لولو : انتي رايحة دحين ؟؟.
هيا :السواق دحين يجي وماشية .
لولو : اوك باي.
هيا : باي.

انتظروا البارت الثاني ::

كيف ستنقلب حياة ميار بعد وفاة والدها ؟؟
كيف سيوفي ابو اياد بوعده ؟؟